2021 EHUN MENDIETAKO ANAIDIAREN EGUNA

12 Abenduak – Oketa (1031 m) – Dohaineko izen-ematea, baina derrigorrezkoa

 Abenduaren 12an, beste hitzordu bat dugu Ehun Mendien Anaidiaren egunean. Aurten hitzordua Ubiden (Bizkaia) izango da, eta handik Oketa gailurrera igoko gara, Gorbeiako Parke Naturalaren barruan.

EMFk eta Ehun Mendien Anaidiak, bere Anaia Nagusiaren eskutik, dei egiten diegu kide berriei, Anaidiarekiko atxikimendua berritu duten pertsona guztiei, ehun mendie osatuz, eta lehiaketa historiko honen jarraitzaile guztiei, Gorbeiako eta inguruko beste leku batzuetako ikuspegiez gozatzeko.

 Ehun urte baino gehiago pasatu dira Euskal Herriko mendizaleen artean aitzindariak izan ziren haiek gaur egun mendi-lehiaketa gisa ezagutzen ditugunak asmatu zituztenetik. Aspaldi samar, 1914ko irailaren 30eko gauean, Club Deportivo Bilbaoko mendizale talde bat Ganekogorta gailurrera igo zen, elkar hartuta edo sekretupeko talde gisa mendi lehiaketa bat abiarazteko: huraxe jaso da Euskal Herriko mendizaletasunaren historiako lehen lehiaketa gisa. Antxon Bandres Azkueren eskutik, gailur horretan diseinatu zen lehen erronka zehatz hura euskal mendizaleen talde batentzat, eta gure jarduera hau sistematikoki, etengabe eta planifikatuta sustatzea zuen xede.

Euskal Herriko Mendien Katalogoan sartuta dauden ehun menditara igotzean datza Ehun Mendien Lehiaketa, betiere, EMFren batzarrak onartutako araudian zehazten diren baldintzak betez. 2020ko ekitaldiaren ostean, guztira 4469 mendizale eta 6724 historialak biltzen ditu Anaidiak.

Aurten, ongietorria egi nahi diegu kide berriei, festa txiki baten bidez, egoera honetan ezin baitu beste modu batean izan.; Oketa gailurrera igo eta jaitsi ondoren egingo da, Ubideko plazan. Oroigarri bat emango zaie Anaidiko kide berriei nahiz ehun mendien zerrenda berriro osatu dutenei; baina oparia ez zaio emango beste inori eta ez zaie etxera bidaliko jardueran parte hartzen ez dutenei.